اسلام آباد۔1دسمبر (اے پی پی):وفاقی وزیر تعلیم شفقت محمود آکھیے جو تعلیم یافتہ ہووݨ معاشرے کیتے ٻہوں ضروری اے لیکن طلبا کیتے کھیݙ تے صحت مند جسمانی سرگرمیاں وی ضروری ہن ۔ پاکستان سپورٹس کمپلیکس دے لیاقت جمنازیم اچ آل پاکستان انٹر بورڈز سپورٹس گالا دی افتتاحی تقریب توں خطاب کریندے ہوئیں شفقت محمود آکھیے جو میں ہر اوں بندے دی تعریف کرینداں جیں ایں ایونٹ دی منصوبہ بندی وچ تعاون کیتے، اتے میں انہاں والدین دی تعریف کرینداں جنہاں آپݨے ٻالاں کوں کھیݙاں دے ایونٹ وچ شرکت کیتے بھیجے۔انہاں آکھیے جو اساں کووڈ دی وبا دے دوران ٻہوں اوکھا ویلھا ݙٹھے کیوں جو کورونا وائرس دے کھنڈݨ پاروں سارے تعلیمی اتے کھیݙاں دی سرگرمیاں روک ݙتیاں ڳیاں ہن ۔ انہاں آکھیے جو کووڈ ۔19دے وبائی مرض دے دوران سکولاں کوں کݙاہیں کھولیا تے بند کیتا ڳیا ، انہاں آکھیے کجھ طلبا سکول دی بندش توں پرجوش ہن ، جݙاں جو ٻئے مایوس ہن ، انہاں ٻالاں کیتے تعلیم تے سکھݨ دی اہمیت تے زور ݙیندے ہوئیں آکھیے جو ھک تعلیم یافتہ طبقہ قابل ذکر طریقیں توں قوم دی رہنمائی کر سڳدے۔شفقت محمود آکھیے جو اللہ دے فضل نال سکول اتے امتحانات بغیر کہیں رکاوٹ دے جاری رہسن ، اساں دنیا کوں ݙکھاوݨا اے جو اساں کہیں توں پچھوں کائنی ۔
.jpg)
