اسلام آباد۔23فروری(اے پی پی)وفاقی وزیر اطلاعات و نشریات سینیٹر شبلی فراز آکھیے جو وزیراعظم عمران خان ہمیشہ چیلنجز قبول کیتن، الیکشن دی شفافیت تے اپوزیشن کوں ݙوڑا معیار نئیں ݙکھاوݨا چاہیدا، الیکشن کمیشن آفس دے ٻاھرو میݙیا نال الیندے انہاں آکھیا جو وزیراعظم عمران خان کݙاھیں کہیں دباؤ اچ نئیں آئے، انہاں مسلم لیگ (ن) دا ڈسکہ دے 20 پولنگ اسٹیشناں اچ ری پولنگ دا چیلنج منیے بھل مسلم لیگ ن آپ ایندے توں پھر ڳئی اے بھل ایں واری مسلم لیگ ن کوں دھاندلی دا رووݨا نہ پٹݨ ݙیسوں، جیکر اے جیت ونڄن تاں ٹیکھ، ہرین تاں دھاندلی دا شور پا ݙیندن، پتا نئیں الیکشن دی شفافیت تے انہاں دا ݙوڑا معیار کیوں اے؟ اڄ اے سینیٹ الیکشن اچ اوپن بیلٹنگ دی مخالفت کریندے پین۔ انہاں آکھیا جو پی پی پی اتے ن لیگ کݙاھیں کوئی الیکشن مہذب طریقے نال نئیں لڑیا اتے مل خرید انہاں دی ریت بݨ ڳئی اے، پہلے مال لٹو ول اوہو اقتدار اچ آوݨ کتیے استعمال کرو۔ انہاں دی پوری سیاست ہی دھوکہ دہی اتے جعل سازی آلی اے، ڈسکہ اچ ݙو قیمتی جاناں دے ذیان دے ذمہ داراں کوں انصاف دے کٹہرے اچ ڳھن آیا ویسی۔ شبلی فراز آکھیا جو پنجاب اچ انہاں دا ووٹ بینک ہیٹھ اتے ساݙا اتے ویندا پئے، ڈسکہ اچ الیکشن کمیش جیڑھا فیصلہ کریسی او اساں منیسوں۔
.jpg)
