اسلام آباد ۔ 22 مئی (اے پی پی) وزیراعظم عمران خان نال بدھ کوںکویت پٹرولیم دے چیف ایگزیکٹو آفیسر شیخ نواف سعود الصبا وفد دے کٹھے وزیراعظم آفس اچ ملاقات کیتی۔ وفاقی وزیر توانائی عمر ایوب خان، وزیر توانائی پنجاب ڈاکٹر اختر ملک، سیکرٹری پٹرولیم میاں اسد حئی الدین اتے بئے سینئر حکام وی ایں موقع تے موجود ہن۔ شیخ نواف سعود الصبا وزیراعظم کو ں کویت پٹرولیم دی پاکستان اچ ایکسپلوریشن دے شعبہ اچ 1980ءتوں جاری کاروباری سرگرمیاں بارے بریفنگ ڈتی۔ انہاں پاکستان اچ کاروباری سرگرمیاں کوں بیا ودھاونڑ اچ گھاٹی دلچسپی ظاہر کیتی۔ وزیراعظم کویت پٹرولیم دے وفد کوں حکومت ولوں تعاون جاری رکھنڑ دا یقین ڈیوایا۔ انہاں موجودہ حکومت ولوں ملک اچ کاروبار اچ آسانی اتے غیر ملکی سرمایہ کاری اچ سہولت سانگے کیتے گئے اقدامات بارے وی ڈسایا۔ وزیراعظم آکھیا جو ماضی اچ ایکسپلوریشن دا شعبہ نظر انداز رہیا،ایں شعبہ اچ موجود صلاحیت کو ں استعمال کرنڑ سانگے حکومت تیل تے گیس لبھنڑ تے پیداوار کرنڑ آلیاں کمپنیاں مراعات رکھنڑ آلی نویں پٹرولیم پالیسی تے کم کر یندی پئی ہے۔ ایں موقع تے پنجاب دے وزیر توانائی ڈاکٹر ایم اختر ملک پنجاب حکومت ولوں پٹرولیم دے شعبہ اچ کیتے گئے مختلف اقدامات بارے ڈسایا۔
.jpg)
