اسلام آباد ۔ 19 اپریل (اے پی پی) چین دے وزیر خارجہ وانگ ئی آکھیے جو سی پیک اتے بی آر آئی ارباں ڈالر دے اقتصادی فلیگ شپ منصوبے ہن ،کوئی تریجھا ملک ایندا ہدف کائنی۔ خمیس کوں بیجنگ اچ پریس کانفرنس کریندے ہوئیں انہاں آکھیاجو ہر جا ءتے واضح کیتے جو بی آر آئی اتے سی پیک اقتصادی تعاون دا پروگرام ہے اتے کوئی تریجھا ملک ایندا ہدف کائنی۔ انہاں آکھیا جو سی پیک اتے بی آر آئی دا کہیںوی ڈو ملکاں وچال پرانڑاں خود مختاری اتے علاقائی جھیڑے نال کوئی واسطہ کائنی ۔ انہاں آکھیا جو ہنڑ اساں بی آر آئی دی تحت تعاون نال سانجھی خوشحالی حاصل کرنڑ سانگے کوششاں کر یندے پئے ہسے، تریخ توں اساکوں رواثت اچ ملے معاملات کوں ہک پاسے رکھ تے اساکوں ایںسانگے ڈیکھنڑ چاہیدے ۔ وانگ ئی آکھیا جوایجھا تعاون نال خود مختاری اتے علاقائی استحکام توں متعلق کہیں وی ملک دے موقف کو ںکمزور نئیں کیتا ونج جاسگدا۔ چینی وزیر خارجہ آکھیا جو ڈوجھا بیلٹ اینڈ روڈ فورم بین الاقوامی ترقی 25اپریل توں بیجنگ اچ تھیندا پئے۔ فورم اچ روس،جاپان،جرمنی،برطانیہ،سپین اتے پاکستان سمیت 37 ملکاں دے سربراہ شرکت کریسن۔
.jpg)
