اسلام آباد – 13 – نومبر (اي پي پي) قومي اسيمبلي جي اطلاعات ۽ نشريات بابت اسٽينڊنگ ڪميٽي ڪجهه ميڊيا هائوسز پاران پگهارن جي عدم ادائيگي ۽ اڳواٽ اطلاع کانسواءِ ورڪرز جون نوڪريون ختم ڪرڻ تي ڳڻتي جو اظهار ڪندي پيمرا ۽ امپلي مينٽيشن ٽربيونل فار نيوز پيپر ايمپلائيز (آءِ ٽي اين اي) کي اليڪٽرانڪ ۽ پرنٽ ميڊيا ورڪرز جي پگهارن جي ادائيگي يقيني بڻائڻ جي لاءِ قدم کڻڻ جي هدايت ڪئي آهي. اسٽينڊنگ ڪميٽي ان سلسلي ۾ قومي اسيمبلي ميمبر سيد امين الحق جي سربراهي ۾ هڪ ذيلي ڪمي??ي جوڙي ڇڏي جيڪا ملازمن جي پگهارن، رهتن جي ادائيگي جي موجوده صورتحال ۽ ميڊيا ورڪرز جي حقن کي يقيني بڻائڻ جي لاءِ قدم تجويز ڪندي. قومي اسيمبلي سيڪريٽريٽ پاران جار?? پڌرائي موجب قومي اسيمبلي جي اسٽينڊنگ ڪمي??ي جو اجلاس قومي اسيمبلي ميمبر پولين بلوچ جي صدارت ۾ پيمرا هيڊڪوارٽرز اسلام آباد ۾ ٿيو جنهن ۾ پي ٽي وي، پيمرا سميت ميڊيا ورڪرز جي پگهارن جي ادائيگي ۽ شاليمار رڪارڊنگ اينڊ براڊ ڪاسٽنگ جي ملازمن جي پگهارن ۽ ٻين رهتن بابت ايجنڊا تي غور ڪيو وي??. ڪ??يٽي ميڊيا ورڪرز کي پگهارن جي ادائيگي بابت مسئلن تي ڳالهه ٻولهه ڪندي راءِ ڏني ته ڪميٽي پگهارن جي ادائيگي ۽ انهن جي رهتن جي ادائيگي کي يقيني بڻائڻ جي لاءِ ڪا ڪسر نه ڇڏيندي. پيمرا ۽ آءِ ٽي اين اي جي پگهارن جي ادائيگي جي حصول جي لاءِ ڪيل ڪوششن کي ساراهيندي ڪميٽي ميڊيا ورڪرز جي حقن جي پاسداري جي لاءِ پارليامينٽ جي لاڳاپيل قانونن ۾ سخت ضابطا آڻڻ جو پڻ مشورو ڏن??. ڪ??يٽي پيمرا بورڊ جي باقي ميمبرن، صوبائي ڪائونسل آف ڪمپلينٽس ۽ آءِ ٽي اين اي جي هڪ ميمبر جي جلد مقرري جي پڻ هدايت ڪئي. چيئرمين ۽ ڊائريڪٽر جنرل (آپريشنز) پيمرا ڪميٽي کي اٿار??ي جي جوڙجڪ جي وقت کان ان جي ڪم ۽ ڪارڪردگي بابت بريفنگ ڏني. ڪميٽي کي آگاهه ڪيو ويو ته پيمرا کي ايڪٽ تحت اليڪٽرانڪ ميڊيا جي سهولت ۽ ريگيوليشن جو ڪم ڏنو ويو آهي. ڊائريڪٽر جنرل ڪميٽي کي اٿار??ي جي تنظيمي ڍانچي، پيمرا بورڊ ۽ شڪايت ڪائونسل جي جوڙجڪ بابت آگاهه ڪيو. هن ٻڌايو ته پارليامينٽ جي ايڪٽ 2023ع ۾ ترميم جي ذريعي اليڪٽرانڪ ميڊيا ورڪرز کي وقت سر پگهارون ادا ڪرڻ پيمرا جي حوالي ڪيو ويو آهي. هن وڌيڪ ٻڌايو ته اٿار??ي جي ريگيوليٽري مڪينزم کي مضبوط بڻائڻ جي لاءِ ايڪٽ جي لاڳاپيل شقن ۾ پڻ ترميم ڪئي وئي آهي. هن ڪائونسل آف ڪمپلينٽس ۾ التوا هيٺ شڪايتن جي ازالي بابت آگاهه ڪي??. ڪ??يٽي ٽي وي چينلز تي ڊراما ۽ اشتهار نشر ڪرڻ جي لاءِ هڪ ضابطه اخلاق جوڙڻ جو مشورو ڏنو جيڪو سماجي ۽ مذهبي روايتن موجب هجي. ڪميٽي پيمرا کي هدايت ڪئي ته هو پنهنجي ريگيوليٽري مڪينزم کي خاص طور تي ننڍن شهرن ۽ ڳوٺاڻي علائقن ۾ مضبوط بڻائي ته جيئن ڪيبل نيٽ ورڪس تي اٿارٽي پاران منظور ٿيل مواد جي ورڇ کي چيڪ ڪري سگهجي. ڪميٽي پي ٽي وي بابت معاملن تي بحث ڪندي پي ٽي وي جي پي رول تي رکيل سمورن اينڪرز ۽ پينلسٽس جي پگهارن جي پئڪيجز جا تفصيل طلب ڪيا. ڪميٽي اطلاعات واري وزارت کي چيو ته اها پي ٽي وي کي هڪ مخصوص تعليمي چينل جي لاءِ شروعاتي تجويز تيار ڪرڻ جي لاءِ مناسب هدايتون جاري ڪري. ڪمي??ي جي اجلاس ۾ شاليمار رڪارڊنگ ڪمپني جا معاملا پڻ بحث هيٺ آيا. اجلاس ۾ اطلاعات ۽ نشريات واري پارلياماني سيڪريٽري دانيال چوڌري، قومي ۽ صوبائي اسيمبلي ميمبرن محمد حنيف عباسي، سعد وسيم، ڪرن عمران ڊار، آسيه ناز تنولي، سحر ڪامران، سيد امين الحق، محمد معظم علي خان، مولانا عبدالغفور حيدري، اطلاعات ۽ نشريات واري جوائنٽ سيڪريٽري، پيمرا چيئرمين ۽ لاڳاپيل ادارن جي آفيسرن شرڪت ڪئي.
