اسلام آباد۔11جون (اے پی پی) وفاقی وزیر خزانہ تے محصولات مفتاح اسماعیل آکھیا جو بین الاقوامی اتے ملکی حالات اچ نویں مالی سال کیتے متوازن بجٹ پیش کیتا ڳئے جئیں اچ عام بندے کوں ریلیف ݙیوݨ تے توجہ ݙتی ڳئی اے۔ پہلا ہدف مالیاتی استحکام اتے ݙوجھا غریب عوام کوں ریلیف ݙیوݨ اے، پاکستان باوقار ملک اے اتے اساکوں آپݨی معیشت کوں سنبھالݨا پوسی۔ ہک لکھ توں ݙو لکھ روپے ماہانہ آمدݨ آلے شہریاں تے ٹیکس دی شرح ڳھٹ رکھی ڳئی اے۔ ودھ آمدݨ آلیاں کیتے ٹیکس دی شرح ودھا ݙتی ڳئی اے۔ 25 لکھ دے نیڑے دکانداراں کوں ٹیکس نیٹ اچ ڳھن آوݨ دا فیصلہ کیتے اتے ایں کیتے فکسڈ ٹیکس دی شرح مقرر کیتی ڳئی اے۔ یوٹیلیٹی سٹورز تے سارا سال اٹا، کھنڈ، گھیو رعایتی نرخاں تے ملسی۔ چھݨ چھݨ کوں وفاقی وزیر اطلاعات ونشریات مریم اورنگزیب، وزیر مملکت ڈاکٹر عائشہ غوث پاشا، چیئرمین ایف بی آر اتے سیکرٹری خزانہ دے رلے پوسٹ بجٹ کانفرنس اچ وزیرخزانہ مفتاح اسماعیل آکھیا جو پاکستان ایں ویلھے اوکھ اچ اے۔ بجلی اتے گیس دے شعبے اچ 2400 ا??ے 1500 ا??ب روپے دے گردشی قرضیاں دا سامݨا اے۔ بجلی دی مد اچ 1100 ا??ب روپے دی سبسڈی ݙتی ڳئی اے۔ وزیرخزانہ آکھیا جو ایں سال گیس تے 400 ا??ب روپے سبسڈی ݙتی ڳئی اے۔ حکومت پٹرولیم مصنوعات دے نرخ ودھائے تاں کوشش کیتی ڳئی اے جو 40 ہزار توں ڳھٹ آمدݨ آلیاں کوں ݙو ہزار روپے ماہانہ حساب نال سبسڈی ݙتی ونڄے۔ اساں ملک دے فائدے کیتے اوکھے فیصلے کریندے پیوں اتے کریسوں۔ وزیرخزانہ آکھیا جو ایں سال بجٹ اچ 4900 ا??ب روپے دا خسارہ اے۔ وزیرخزانہ آکھیا جو وفاق کنے وسائل محدود ہن۔ ایں سال ٹیکساں دا ہدف 7004 ارب روپے رکھیا ڳئے جئیں اچوں چ??ر ہزار ارب روپے دے نیڑے صوبیاں کوں ویسن پئے۔ انہاں آکھیا جو بے نظیر انکم سپورٹ پروگرام دا بجٹ 100 ا??ب روپے ودھا ݙتا ڳئے۔ وزیرخزانہ آکھیا جو ٹیکس چوری روکݨ کیتے اقدامات کریسوں۔ چیئرمین ایف بی آر عاصم احمد ایں موقع تے آکھیا جو ٹیکس چوری روکݨ کیتے ایف بی آر ٹیکنالوجی دا استعمال کریندا پئے۔ وزیرخزانہ آکھیا جو تنخواہیں اتے پنشن اچ ودھارے نال 200 ا??ب روپے دا ودھیکی ٻوجھ پوسی جئیں کیتے وسائل ݙتے ویسن۔ ایں موقع تے سیکرٹری خزانہ ݙسیا جو تنخواہیں اچ ودھارا دا اطلاق 2017ء دی بنیادی تنخواہیں دے سکیل تے ہوسی۔ بجٹ دی دستاویزات حقیقی ہ?? اتے ایں اچ کوئی لُکی ہ??ئی ڳالھ کائنی۔ وزیرخزانہ آکھیا جو نویں ٹیکس اقدامات دا حجم 440 ارب روپے اے۔ نجکاری بارے سوال تے وزیرخزانہ آکھیا جو ݙاہ توں 12 وݙے سرکاری کاروباری ادارے ہن جئیں اچ ݙو گیس اتے اٹھ بجلی دی ڈسٹری بیوشن کمپنیاں ہن انہاں اداریاں کوں نجکاری آلے پاسے ڳھدی امدوں۔
