اسلام آباد۔30نومبر (اے پی پی) صدر مملکت ڈاکٹر عارف علوی کوئٹہ دے علاقے بلیلی اچ پولیو مہم اچ ڈیوٹی تے موجود ڳاݙی تے دہشت گرد حملے دی مذمت کریندیں ہوئیں آکھیا جو سماج دشمن عناصر کوں پولیو دے پورے خاتمے دے مشن اچ رپھڑ نہ پاوݨ ݙیسوں۔ بدھ کوں ایوان صدر دے پریس ونگ توں جاری بیان موجب صدرمملکت دھماکے اچ ٻال اتے پولیس اہلکار دے جاں بحق تھیوݨ تے افسوس کیتے۔ انہاں آکھیا جو پولیو دے خاتمے کیتے ہیلتھ ورکرز اتے پولیس دی کوششاں کوں خراج تحسین پیش کرینداں۔ انہاں زخمیاں دی جلدی صحت یابی اتے جاں بحق تھیوݨ آلیاں کیتے مغفرت دی دعا کیتی۔
