لاہور۔25مارچ(اے پی پی) وزیراعظم محمد شہباز شریف دی ہدایت تے وفاقی وزیر قانون و انصاف اعظم نذیر تارڑ سنوار کوں لاہور اچ مختلف یوٹیلٹی سٹورز دا دورہ کیتے۔ وفاقی وزیر یوٹیلٹی سٹورز تے عوام کوں دستیاب سہولتاں ،کھاوݨ پیوݨ دیاں چیزاں دی فراہمی تے معیار دا جائزہ ڳھدا تے یوٹیلٹی سٹورز تے ریٹ لسٹ چیک کیتی۔ ایں موقع تے میڈیا نال ڳالھ مہاڑ کریندے ہوئیں وفاقی وزیرآکھیے معیشت دی بہتری حکومت دی اولین ترجیح اے، انشااللہ وزیراعظم محمد شہباز شریف دی قیادت اچ ملک معاشی ترقی دی رستے تے ٹرسی۔ اعظم نذیر تارڑ آکھیے جو حکومت ملکی تاریخ دا ساریں توں وݙا رمضان پیکیج ݙتے، عوام کوں سہولتاں ݙیوݨ ساݙی ترجیح اے ۔ انہاں آکھیے جو رمضان پیکیج اچ بی آئی ایس پی دے صارفین کوں سبسڈی دے علاوہ عام صارفین سانڳے وی خصوصی رعایتی قیمت مقرر کیتی ڳئی اے ۔ ایں موقع تے وفاقی وزیر اعظم نذیر تارڑ یوٹیلٹی سٹورز تے آئے صارفین نال ڳالھ مہاڑ کیتی تے انہاں توں ??تی??ں ونڄݨ آلیاں چیزاں متعلق سوال وی کیتن وفاقی وزیر یوٹیلٹی سٹورز تے موجود دالاں اتے ٻیاں کھاوݨ پیوݨ دیاں چیزاں دی کوالٹی وی چیک کیتی،انہاں دی قیمت پچھی ۔ ایں موقع تے وفاقی وزیر کوں بریفنگ وی ??تی ڳئی تے یوٹیلٹی سٹورز سٹاف ݙسایا جو سٹور تےگھیو 335 روپے فی کلو اتے کھنڈ 109 روپے فی کلو ??تی ویندی پئی اے جݙاں جو بی آئی ایس پی صارفین سانڳے یوٹیلٹی سٹورز تے خصوصی انتظامات کیتے ڳئن۔
