اسلام آباد۔4جنوری(اے پی پی)وزیر اعظم محمد شہباز شریف آکھیے جو پاکستان اقوام متحدہ دی سلامتی کونسل دی متعلقہ قرارداداں دے مطابق بھارتی مقبوضہ جموں و کشمیر دے عوام دے حق خود ارادیت کیتے اپݨی تکڑی اخلاقی، سیاسی و سفارتی حمایت جاری رکھسی۔ حق خودارادیت تے ݙینھ تے اپݨے سنیہے اچ وزیراعظم اسلامی جمہوریہ پاکستان محمد شہباز شریف آکھیے جو 5 جنوری دا ݙینھ ہر سال جموں و کشمیر دے عوام دے یوم حق خود ارادیت دے طور تے منایا ویندے ڄݙاں 1949 کوں اقوام متحدہ دے کمیشن برائے ہندوستان و پاکستان ہک قرارداد منظور کیتی ہئی جیڑھی مقبوضہ جموں و کشمیر اچ آزادانہ و منصفانہ استصواب رائے دی ضمانت ݙیندی اے تاں جو کشمیری عوام اپݨے حق خودارادیت دا استعمال کر سڳن۔ وزیراعظم افسوس کیتے جو بھارتی مقبوضہ جموں و کشمیر دے مظلوم عوام پچھلے (74) سال توں اپݨا حق استعمال نئیں کرسڳدے، بھارتی حکومت کشمیریاں دے ناقابل تنسیخ حق خودارادیت توں انکار کیتے ٻھل بھارتی مقبوضہ جموں و کشمیر اچ خوف وی ٻݨا ݙتے، 5 اگست 2019 دے بھارت دے غیر قانونی اتے یکطرفہ اقدامات نال کشمیریاں تے ظلم دا ہک نواں در کھلیے، ایں ݙینھ دا مقصد مظلوم کشمیری عوام دے بنیادی حقوق کیتے عالمی برادری کوں ڄڳاوݨ اتے ایندی ذمہ داری یاد ݙیواوݨ اے جو اقوام متحدہ اپݨے وعدے نبھاوے تاں جو کشمیری اپݨا جائز حق خود ارادیت حاصل کر سڳن۔
.jpg)
.jpg)
