اسلام آباد۔15اگست(اے پی پی)وفاقی وزیر اطلاعات و نشریات عطاء اللہ تارڑ دی ہدایت تے خیبر پختونخوا اچ ودھ بارشاں، سیلابی صورتحال اتے قیمتی جانی نقصان پاروں وزارت اطلاعات دے تحت ایف-9 پارک اسلام آباد اچ 16 اتے 17 اگست کوں تھیوݨ آلا معرکہ حق اتے جشن آزادی دا پروگرام ملتوی کر ݙتا ڳیا۔ اے فیصلہ بارشاں اتے سیلاب پاروں متاثرہ لوکاں نال ہمدردی اتے ریلیف سرگرمیاں تے توجہ سانڳے کیتا ڳئے۔ ترجمان آکھیا جو ملک دے مختلف حصیاں اچ جاری بارشاں اتے سیلاب متاثرین دی مدد کیتے پوری قوم کوں ہک مٹھ تھیوݨا ہوسی۔ آزادی دیاں تقریبات ودھ جوش و جذبے نال بعد اچ کیتاں ویسن۔
.jpg)
