اسلام آباد ۔ 6 اپریل (اے پی پی)وزیراعظم محمد نواز شریف آکھیا جو پاک چین اقتصادی راہداری علاقائی تجارت دے ودھارے اتے خطے دی عوام کوں ہک ڈوجھے دے نیڑے گھن آونڑ سانگے شاندار منصوبہ اے،چینی صدر دی دعوت تے بیلٹ اینڈ روڈ فورم اچ شریک تھیونڑ سانگے آندے مہینے دورہ چین دا منتظر ہاں۔انہاں اے گالھ چین دی عوام سیاسی مشاوری کانفرنس دی قومی کمیٹی دے چیئرمین یو زینگ شینگ نال ملاقات اچ گالھ مہاڑکریندیں ہوئیں آکھی جنہاں اعلیٰ سطح دے وفد دے رلے انہاں نال خمیس کوں وزیراعظم ہائوس اچ ملاقات کیتی۔وزیراعظم کمیٹی دے چیئرمین اتے وفد دے ارکان دا پرتپاک خیر مقدم کریندیں ہوئیں آکھیا جو اے دورہ پاکستان اتے چین دی پارلیمان وچال ادارہ جاری رابطے بنڑیسی۔انہاں آکھیا جو ڈوہیں پارلیمان وچال قریبی تعاون نال پاک چین پرجوش اتے دوستانہ تعلقات کوں بئی تقویت ملسی۔وزیراعظم نواز شریف آکھیا جو ڈوہیں ملکاں وچال تعلقات 2015ء اچ چینی صدر شی جن پنگ دے دورہ پاکستان وچال سدا بہار تعاون تے مبنی تزویراتی شراکت داری دی بلند ترین سطح تے پجین۔
.jpg)
