اسلام آباد۔ 24 ستمبر (اے پی پی)وفاقی وزیر برائے قومی غذائی تحفظ و تحقیق رانا تنویر حسین اسلام آباد اچ پاکستان اچ شام دے سفیر ڈاکٹر رامز العری نال ملین۔ انہاں زرعی شعبہ، تجارت اتے ثقافتی تبادلیاں اچ تعاون ودھاوݨ تے غور کیتا اتے ݙوہاں دیساں دے برادرانہ تعلقات کوں ٻیا تکڑا کرݨ دا عزم دوہرایا۔ وفاقی وزیر رانا تنویر حسین ݙسایا جو پاکستان اتے شام وچال زرعی تعاون اتے ??ک یادداشتِ تفاهم (MOU) تے پہلے ہی دستخط تھی چکین۔ انہاں آکھیا ڄیویں ہی شام تے لڳیاں بین الاقوامی پابندیاں ختم تھیسن، شام پاکستان کیتے زرعی اجناس بشمول اناج، پھل اتے ویلیو ایڈیڈ مصنوعات دی صورت اچ ہک قیمتی تجارتی شراکت دار دے طور تے سامݨے آسی۔ تعاون کوں ادارہ جاتی شکل ??یو?? اتے ایکوں ٻیا تیز رفتار بݨاوݨ کیتے، ڈوہاں دیساں ہک مشترکہ ورکنگ گروپ قائم کرݨ تے ا??فاق کیتا جیہڑا جدید کاشتکاری دے طریقیاں، آبی وسائل دے انتظام، استعداد کار اچ اضافے تے زرعی تجارت دے فروغ ج??یں عملی شعبیاں اچ تعاون دے امکانات دا جائزہ گھنسی۔ وفاقی وزیر زور ݙتا جو پاکستان شام کوں جدید زراعت اتے غذائی تحفظ دی حکمتِ عملیاں اچ اپݨی مہارت تے تکنیکی معاونت ??یو?? کتیے تیار اے۔ شامی سفیر ڈاکٹر رامز العری مشترکہ ورکنگ گروپ دے قیام دی تجویز دا خیرمقدم کریندے عزم دوہرایا جو شام باہمی مفاد دے شعبیاں اچ پاکستان نال قریبی تعاون چاہندے۔
